«Խազերը» որպես երգչախումբ և նրանց գործունեությունը Հայաստանում

Խազերը երկսեռ երիտասարդական երգչախումբ է, որի գլխավոր նպատակն է տարածել հայ ազգային երգերն ու խմբերգային երաժշտությունը, մասնավորապես Կոմիտասինը: Խումբը ստեղծվել է դիրիժոր Անի Նավասարդյանի կողմից՝ 2012թվականին:Առաջին խմբի անդամները եղել են կամավոր, երաժշտասեր երիտասարդների, ովքեր միախմբվել են հայ ազգայի երգերը տարածելու նպատակով: Երգչախմբում երգում են տարբեր մասնագիտությունների ու նախասիրությունների տեր երիտասարդներ, ինչպես նաև տարբեր ձայնաբաժինների տեր մարդիկ:
Ունենալով մեծ սեր և հարգանք Կոմիտասի հանդեպ, խմբի անունը կնքվել է «Խազերը», որը հին հայկական նոտագրություն է: Այն վերականգնել է հենց Կոմիտասը՝ 19-րդ դարում: Ցավոք Մեծ Եղեռնից հետո խազագրության բազում գործել կորել են կամ ոչնչացվել:
Երգչախմբի հիմնական երգացանկը բաղկացած է Կոմիտասի բազմաձայնած երգերից, որոնք դասվում են աշխատանքային, ծիսական, սիրային-քնարական, հայրենասիրական և այլ ժանրերի: Երգչախումը բազում անգամ մասնակցել է տարբեր միջոցառումների, որոնց կարող եք ծանոթանալ այստեղ:

2017թվականի սեպտեմբերին մեր շատ սիրված Անի Նավասարդյանը որոշեց «Խազերի» պատանեկան տեսակը բացել մեր դպրոցում՝ Մխիթար Սեբաստացի կրթահամալիրում: Ես եղել եմ մեր «Պատանի Խազեր» երգչախմբի առաջին անդամը, որից հետո մեզ միացան մեր խմբի մյուս անդամները: Խումբը բաղկացած էր 9-11-րդ դասարանի աշակերտներից, ովքեր հետաքրքրված էին երգչախմբային գործունեությամբ և ունեին սեր դեպի ազգային երգերը: Խմբի պարապմունքները բաղկացած էին ձայնավարժություններից, ձայների մշակումներից և իհարկե երգերի յուրացումից: Ձայնաբաժինները տարբեր էին՝ ալտ, սոպրանո, բաս և բարիտոն:
Մեր երգչախմբով կազմակերպել ենք բազմաթիվ երգուսուցմներ Գյումրիում,  Նարեկացի Արվեստի Միությունում, ինչպես նաև ունեցել ենք համատեղ համերգներ և փորձեր «Երիտասարդ Խազերի» հետ:

«Պատանի Խազեր»

«Պատանի և Գյումրու Խազեր»

Նույն թվականի ամռանը ստեղծվել է հենց «Գյումրիի Խազեր» երգչախումբը, ում ձայնասկավառակի շնորհանդեսին էլ ներկա ենք գտնվելու ապրիլի 6-ին: Խումբը բաղկացած է վեց հոգուց, ովքեր ներկայացնում են ջ տարբեր ձայնաբաժիններ: «Գյումրու Խազերի» հետ ունեցել ենք բազմաթիվ փորձեր, և հասցրել ենք մեր երգչախմբով մտերմանալ, ինչու չէ նաև դառնալ հարազատ: