Հետընտրական քննարկում

Դեկտեմբերի 5-ին տեղի ունեցած հասարակագիտական դաս-քննարկմանը հաջորդեցին դեկտեմբերի 9-ի խորհրդարանական ընտրությունները: ԵՎ ահա, հետընտրական իրավիճակը քննարկեցինք պատմություն-հասարակագիտություն ընտրությամբ խմբի սովորողներով: Մինչ ընտրությունները, ծանոթացել էինք բոլոր կուսակցությունների ծրագրերին, մասնավորապես՝ կրթությանը վերաբերվող կետերին:

Ինչպես ցույց տվեցին ընտրության արդյունքները՝ 7-րդ գումարման Ազգային Ժողովում ընգրկվեցին ընդհամենը 3 քաղաքական ուժեր՝ Իմ Քայլը Դաշինքը (70,43%) , Բարգավաճ Հայաստան (8,27%) և Լուսավոր Հայաստան կուսակցությունները (6,37%):

Ըստ ԶԼՄ-ների և մարդկանց արտահայտած կարծիքների՝ այս ընտրությունները տարբերվեցին նախորդ ընտրություններից մի շարք առանձնահատկություններով.

1. Չնայած նրան, որ ընտրություններին մասնակցել են ընտրելու իրավունք ունեցող միայն 48%-ը, սակայն պետք է դիտարկել, որ նրանք ընտրություններին մասնակցել է իրենց կամքով, առանց ճնշումների:

2. Համեմատած նախորդ ընտրությունների հետ այս ընտրությունների ընթացքում գրեթե ընտրակեղծիքներ չեն գրանցվել:

3. Մահացած մարդկանց անվան դիմաց ընտրություն չի կատարվել

4. Ընտրակաշառք չի բաժանվել

Հուսանք, որ այս Աժ-ը և առաջիկայում կազմվելիք կառավարությունը իրոք կծառայեն ժողովրդին և իրենց գործունեությամբ կնպաստեն մեր երկրի զարգացմանը և ժողովրդի բարեկեցիկ ապագային: